Í byrjun mars kom Dóra stuðningsfulltrúi með 20 hænuegg í skólann.  Þetta voru íslensk
landnámshænuegg frá hænunum sem 4.bekkur ungaði út í fyrra.  Núna kom það í hlut 2. og 3.bekkjar að sjá um eggin. Sett voru 20 egg í útungunarvélina og þau látin vera þar í 21 dag, en þá eiga fyrstu ungarnir að koma. Við þurftum að passa vel upp á eggin, snúa þeim á hverjum degi og vökva reglulega í sérstakt hólf á vélinni til að viðhalda góðum raka.  Það fæddust 15 ungar og vöktu þeir mikla lukku hjá öllum í skólanum og fengum við líka heimsókn frá leikskólanum sem var mjög gaman.
Ungarnir fóru síðan í sveitina, út að Mýrum til hennar Álfheiðar og eru þar í góðu yfirlæti. Við ætlum fljótlega að fá að koma í heimsókn og skoða "börnin okkar". Fleiri myndir af páskaungunum er hægt að sjá í myndabankanum.  Þar veljið þið 1.-4.bekkur og skólaárið 09-10.